فاصل نيوز
شدد الرئيس عبد الفتاح السيسى، على ضرورة ارتداء الكمامات، وقال: "لو وصل الأمر إننا نوزع الكمامات بنص التكلفة أو من غير تكلفة خالص هعمل كده".
وأضاف الرئيس السيسي: "بشوف الدنيا عاملة ازاى فى الشارع فى القاهرة فى الأوقات اللى ما فيهاش حظر.. زحمة"، إحنا مش عايزين ناخد إجراء أكثر حدة عليكم ولا نضيق توقيتات فى الحركة عليكم عشان حياتنا ما توقفش".
وتابع: "الناس لازم تبقى مخلية بالها وبتتبع الإجراءات الاحترازية والوقائية للحفاظ على نفسها من فيروس كورونا"، مشيرةا إلى أنه يرى أشخاصا كثيرين فى المواصلات والميكروباصات دون كمامات طبية.
وقال الرئيس: "اطمأننت على وسائل النقل وتطهيرها للحفاظ على صحة المواطنين، ده دور الدولة والجيش، هو عبء كبير ولكن لو كنا عايزين ما نوقفش حال مصر لازم نبذل الجهد".
وشدد الرئيس عبد الفتاح السيسى على ضرورة اتباع الإجراءات الاحترازية للوقاية من الإصابة بفيروس كورونا المستجد، وعدم التهاون فى اتباع الإجراءات، وشدد على ضرورة الابتعاد عن التجمعات وارتداء الكمامات.
المصدر : صدي البلد
